حازم خالد

من ذكرياتي في سفرية قنا الي كانت عشان مشروع "مجلة جنة" كانت في محاولة لسرقة الماوس بتاعي ولكن ربنا يسر ومسكت الحرامي قبل الهروب بالحرز !!

التخطيط لعملية السطو

بدأ تنفيذ العملية

محاولة الهروب بالحرز

وأخيراً تم القبط على اللص

وألي يغيظك أني كنت شغال ومركذ في كود :S

طول عمري عارف أني أكيد هاخد أعفاء نهائي من الجيش !! أه ماليش أخوات ولاد وكمان والدي الله يرحمه توفي منعام 2000.

لكني من كثرة الأجراءات التي بدأتها في يوم 22 مايو 2008 إلى أن أستلمت الأعفاء أنهاردة كدت أن أتمنى دخول الجيش وخلاص أحسن من أن أذهب في يوم واحد من الأميرية للعباسية للقلعة للدقي وأرجع بدون أي ناتج واحد :S

المهم وانا بستلم أنهاردة الأعفاء من منطقة تجنيد القاهرة ألي على طريق مصر أسماعيلية الصحراوي لقيت مكتوب فيها "تأجيل مؤقت لمدة 5 سنوات حسب القانون رقم مش عارف كام لسنة مش عارف أيه المادة مش عارف أيه ولا يجوز السفر دون تصريح سفر" :S
ولكن الحمد لله لقيت العسكري -ألي أداني الشهادة دي وخد بطاقتي وأعد يقرا أسمي ويطابقه على الشهاد مش أقل من 30 ثانية- بياخدها ويديني واحدة تانية مكتوب عليها "أعفاء المذكور نهائياً من الخدمة العسكرية والوطنية كونه الأبن الوحيد لأبيه المتوفي "

بإذن الله نبدأ بأه في أجراءات التأمينات ثم تغير البطاقة عشان أكتب الوظيفة والحالة الأجتماعية والعنوان ثم البسبور وربنا يدينا ويديكو البركة في العمر.

ربنا اخرجنا من هذه القرية الظالم اهلها واجعل لنا من لدنك وليا واجعل لنا من لدنك نصيرا

كلمني من شوية وحدة من شركة وظيف “جبنا سيرتك الزاتية من الأنترنت وفي مقابلة”

المهم اعتذرت وقولت أحط هنا عنوان الشركة عشان الي عايز يروح يدهم السيرة الذاتية بتاعته
www.Tawzef.net

التعليقات مغلقة : أنا ماليش دعوة بالموقع قدمو هناك

الحمد لله
بعت شقتي وأشتريت شقة جديدة وتأخر أستلام الشقة الجديدة فأقيم في بيت العائلة وأضع عفشي في مكان حقير …. الحمد لله
وقبل نقل العفش تبوظ العربية وتحتاج عمرة للموتور …. الحمد لله
ويجيلي طلب من شركة بدبي كـ senior web developer براتب جيد ويقف الموضوع عشان “your English is not good enough to join our team” …. الحمد لله
يتصلو بيا في مكتوب للعمل بمكتب Araby.com بالقاهرة وأعمل أسوأ مقابلة في حياتي وطبعاً متصلوش بيا حتى يقولولي أي حاجة …. الحمد لله
البوكيت بتاعي يبوظ قبل ما أبيعه وتتكسر الشاشة …. الحمد لله

أمانة لو حد ليه عندي حاجة او أنا ظلمتو في شئ يقول …. والي يعدي من هنا يدعي الله يكرمكو

والحمد لله فهو من يعوضنا بنعمه علينا
الحمد على الذي رزقنة بنتي جنة