حازم خالد

من حوالي ٣ شهور سجلت سينجلين لجنة بنتي فقولت اشاركم بيهم عشان تستمتعو بروعة الفن الاصيل وابداع التطوير الفني المستقبلي الجامد اوي.

الاغنية الاولى تقريباً مقتبسة من كراميش او طيور الجنة، وهي بعنوان مين بيحب بابا

تعريفات
تاتا مها = امي
تاتا بطة = حماتي
لوجي = بنت اختي
النونه = خالد اخوها الصغير

الاغنية الثانية بعنوان ماما زمانها جاية وهي للفنان محمد فوزي (تحزير لازم تكون حافظ الاغنية عشان تعرف تجمع الكلام)

الحمد لله اليوم تمت جنة حازم خالد -بنتي- سنة في حضننا وأحتفلنا باليوم أمس، وحضر ناس كثير وبجد الواحد كان شاعر بالحب منهم وكان كلهم فرحانين بالأمورة ولله الحمد.

يذكر أنه تقدم أمس لخطبة جنة أطفال كثيرين ولكن أنا عامتاً لا أفضل الأرتباط مع طفل مش مبرمج !! كمان أنا همشي بنصيحة نصحهاني صديق بأني مجوزهاش قبل ما تتم 6 سنين -أصل الجواز بدري وحش- ولكن أنا قولت بردو الرأي في الأخر للبنية !! طبعاً … وبما أنها ليه مبتتكلمش حاجة مفهومة فمقالتش حاجة خالص

من المهم أيضاً ان المعازيم كانو كلهم couples … طبعاً أنا متحرر جداً في الأمور دي وعشان كده معزمتش غير المتجوزين بي وكان في 2 بس هما ألي مخطوبين.

شرفني في العيد ميلاد من أصدقائي (بترتيب الحضور) مصطفى هنداوي و أسرته – محمد نبيل و أسرته – أحمد SQL و خطيبته – ضياء رزق و أسرته – محمد الجمال و أسرته.

من ذكرياتي في سفرية قنا الي كانت عشان مشروع "مجلة جنة" كانت في محاولة لسرقة الماوس بتاعي ولكن ربنا يسر ومسكت الحرامي قبل الهروب بالحرز !!

التخطيط لعملية السطو

بدأ تنفيذ العملية

محاولة الهروب بالحرز

وأخيراً تم القبط على اللص

وألي يغيظك أني كنت شغال ومركذ في كود :S