حازم خالد

السلام عليكم

زوار مدونتي الكرام بما أنكم مش غرب ومحدش بيتابع المدونة تقريباً غير زملائي الطلاب الي درسو معايا في الدورات (إن كان حد بيتابع المدونة أصلاً)

أنا حبيت أدون صوتياً، وبالفعل حاولت أكون المحتوى انا وتهامي في تدوينة (ليس موضوع هذه التدوينة) وبإن الله سنسرد مدونة تقنية وسيكون أساسها على التدوين الصوتي وممكن المرئي كمان.

المهم التدوينى دي بعتها لتهامي ولمصطفى هنداوي (الهنداوي) وطلبت رأيهم ومحدش رد عليا، وعشان كده أنا هحطها هنا على الموقع وأتمنى أستفيد من ردود البعض بنصائحكم من حيث الجودة والحجم والأداء والمونتاج وما إلى ذلك.

عنوان التدوينة : قصتي مع الـ Adsense
المدة : حوالي 8 دقائق
* المحتوى غير مفيد فلا تسمعها إن كنت تحتاج الأفادة، أيضاً يمكنك سماع التدوينة الخاصة بقصة محمود المسعودي مع الأدسنس والذي أقتبست منه عنوان التدوينة "للأسف أزال كل التدوينات الصوتية"

التدوينة الصوتية (بخلفية من نشيد مالي رب سواك للمنشد نور وفرقة داعي الندى)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

وهذه بدون خلفية (كما طلبها البعض)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

قبل أصدار النسخة النهائية من ubuntu أسبق بالتحديث للنسخة الـ Beta أو rc لأن في يوم الأصدار النهائي يكون الضغط كبير على سرفرات ubuntu ولكن يكون كل ما علي تحديث بعض ملفات الأصدارة نت rc إلى final

مميزات عجبتني

1. سرعة رائعة في الأغلاق
2. دعم جيد للـ iPhone (لا أعلم مدى دعم النسخ القديمة له)
3. برامج كثير تم تحديثها كنت أضتر تحديثها بنفسي مثل gimp 2.6 وpidgin 2.5.2
4. روعة دعم شبكة GSM، وواجهة رائعة وسهلة جداً لها، بالأضافة أنه يمتلك الأعدادات الأفتراضية للأتصال عبر الشبكة (جربت vodafone)

نواقص

1. كنت أتوقع نزول firefox 3.1 وأن لم تصل للنسخة الأخيرة ولكن بها ما يتحق نشره مع النسخة، ففي النسخة السابقة كان هناك ff 2 بالأضافة ff 3 beta 5
2. كنت أتوقع نزول المزيد من البرامج المثبتة

زي ما قولت قبل كده أن أه طل عندي بسبور وأنا معرفش، المهم بعد 8 ايام من طلب جواز السفر ده جه أخيراً وأستلمتو أنهاردة.

طبعاً البسبور أصدار 19-5-2005 وأنتهاء 31-12-2006 !!! يعني غير صالح ..

أستلمت البسبور أنهاردة من جوازات مصر الجديدة وفوراً طلعت على جوازات الأميرية سلمته وكتبت عليه الموظفة لااااااااغي عجبي !!

المهم قالولي (هي قالولو دي حرام) أستلمه يوم الأحد 2-11-2008

وتتواصل مغامرات جحا والحكومة

لا أتذكر أني دونت "من هنا وهناك" من قبل، نعم فهو أصبح أحد أنواع التدوينات كما أبتدعه سردال (على حد علمي).

1. الجدول التقني عجبتني الفكرة جداً من بساطتها مقارنة بفائدتها .. رابط مباشر للخدمة
2. بدأ المدون وخبير اللينوكس الرووت جريس بكتابة سلسلة تعليم لينوكس وأعتقد ستكون رائعة ومفيدة .. درس 1 – درس 2

شخصي

1. عجبني موبيلين HP رأيتهم اليوم على موبي موب iPAQ Data Messenger و iPAQ Voice Messenger
2. عجبني موضوع عن الـ GimPhoto و GimPad وهما منتجين لتحرير الصور يعتمدو على Gimp وعجبتني المدونة واتابعها
3. كذلك أتابع من أيام مدونة عن الـubuntu وهي رائعة صراحة

أخيراً كنا بدأنا العمل على تنظيم مؤتمر تقني بالقاهرة ولكن للأسف أنسحب 2 من المنظمين وهما يعتبرو النصف تقريباً وسأناقش البدائل اليوم مع تهامي لعلنا نرشح منظمين آخرين، ومطلوب منظمين في أدارات عدة في فريق التنظيم، ومتفرغ ذو خبرة لأدارة المؤتمر.

لما رحت أستلم الباسبور يوم الأربعاء ألي فات لقيت أمين شرطة بيقولي "أنت بتطلع باسبور ليه وأنت عندك بسبور تاني من سنة 2005 جوازات مصر الجديدة" وكانت موجه صباعة كأنه بيوجهلي أتهام، طبعاً أنا بكل بساطة قولتلو "طيب لو عندك باسبور تاني ليه طلعلي عليه ".

المهم بعد ما رحت جوازات مصر الجديدة أشوف أيه الموضوع قالولي هنا "أرجع على جوازات الأميرية أسألهم على رقم الجواز القديم وتعلالي"، رحت الأميرية فقالي أمين شرطة هناك "روح مجمع التحرير قدم طلب أنا مأدرش أديك بيان زي كده" !!!

طبعاً البيان ألي هو بيقول عليه ده هو عبارة عن رقم الجواز الي هما بيقولو بتاعي !! ميأدرش يديهوني !! أمال يديه لمين ؟

المهم حصلت عليه من نفس الأمين لما دخلت لرئيس الجوازات ألي قالي "لو طلع الباسبور التاني كانت هتبقى جنحة وفيها سجن"، بعدها روحت جوازات مصر الجديدة وقالي أعد أستني أسألك عليه بالتليفون في العاشر من رمضان !! وبعد ساعة ونص وأنا منتظر قالي طيب لو وراك مشوار روحو وتعالي بعدين، والحمد لله أداني تليفونو عشان أسأل، وحوالي الساعة 1:30 قالي أنو لقاه في العاشر وبالفعل بعت يجيبه وهيوصل على الأثنين.

طبعاً الجواز ده أنا قدمت عليه في مايو 2005 لما كنت هسافر الكويت، والموظف وقفلي الدنيا وقالي لازم تجيب كذا وكذا وكذا وأضطريت أني ألغي السفر، ومن الواضح أن البسبور كمل وأتعمل وحسبي الله ونعم الوكيل في ألي وقفلي سفري وهو كان البسبور ينفع يتعمل.

على فكرة البسبور بتاع 2005 ده أنا مكنش عندي موقف من الجيش ولا دفعت فلوسو ولا دفعت الـ 400 جنية التأمين.

تحديث (27 أكتوبر) : قالولي فوت علينا بكرة
تحديث (28 أكتوبر) : لما فوت عليهم بكرة قالولي فوت علينا بكرة