حازم خالد

الحمد لله ربنا رزقني بعربية جيب فيات 128 والحمد لله … اتمنى الدعاء بالخير بإذن الله وهحط صور إن شاء الله ليها قريب .

بعض العملاء طلبو مني حل لمشكلة السباق العربي مع PHP5 وهذا ﻷن النسخة المتوفرة حالياً تعمل منذ 2004 وتم توفير النسخ المتوافقة مع PHP5 والملفات المطلوب تغيرها هما أثنين out.php و index.php

وللطلب يمكنك مراسلتي عبر الفورم البريدي وأنا بإذن الله اغيرهالك بنفسي.

يارب

أنا بدون في الأصل لنفسي .. يعني أنا برجع كل شوية أقرا التدوينات القديمة وأتذكر حجات جميلة وأكيد بعد 10 سنين لو لسه عايش هتذكر حجات كثيرة عند قرائتي لهذه التدوينات.

انا فتحت التعليق عشان المعجبين وكمية الجمهور الي بيعلقو على الموقع –> حوالي 3 أصحابي كل شوية يعلقو

وشكلي هبدأ كورس قريب ولكن مش عارف ليه AXON مكلمتش الطلاب رغم أننا متفقين ان أبدأ يوم الأحد القادم على حسب الأتفاق مع المسؤل بالمركز.

بالنسبة للأجتماعات او الي ممكن نقول عليها التجمعات الي بنعملها دي فهي اعتقد لحد دلوقتي ناجحة بما إن الهدف فقط التعارف وتبادل الخبرات فنحن في الطريق السليم بإذن الله، وممكن تشوف صور السحور من هنا وحضر فارس ورجب الي كانو معانا في المحترفون العرب وكان في معاد مع أ/حسن المدير التنفيذي بشركة توب لين وحب جداً انه يسهر ويتسحر معانا بالأضافة ﻷحمد أبو النصر وأحمد توفيق وصاحب موقع لغاتي ومحمد محمود ومحمد الجمال وحسام وناس كثيرة والحمد لله وصل العدد لـ15 فرد.

ركوب الخيل التقني : المقابلة هي الي بين ناس تقنين مش المقصود اننا نركب أونلين يعني وده كان أقتراح أحمد توفيق واحنا في السحور وفعلاً كنا حوال 15 واحد بردو ركبنا خيل وبعدها طلعنا على نادي المقاولين العرب على النيل وكان في مناقشة سخنة عن الأدارة في شركات خدمات الويب وعلى php4 و php5 وأجلنا باقي الحوار للمقابلة القادمة بإذن الله والي هتكون بإذن الله اول جمعة في شهر 11 نوفمبر الي هو يوم الجمعة الموافق 2-11-2007 بإذن الله واعتقد انه هيكون في القهوة الي تم فيها السحور بإذن الله، المهم ان حضر ركوب الخيل ناس جديدة مثل كارم من شركة توب لين وأتنين مشرفين من تريدنت وواحد منهم وقع من على الحصان وراح المستشفى بس جت سليمة وجه أخيراً تهامي واثنين من الأسماعيلية و مهدي مكنش زعلان وجه بردو وناس تانية جميلة والله ان الواحد أتعرف عليهم ولكن للأسف أن محمد محمود مجاش ولا فارس ولا رجب، الصور من هنا.

في موضوعينآخرين بس يارب أكتبلهم تدوينتين كمان بإذن الله.

السلام عليكم

كما يعلم البعض فكما أتفقنا أثناء حضورنا مهرجان لينوكس الأخير أتفقنا كأصدقا وكبتوع PHP أننا نتجمع يوم في رمضان، وكنا قولنا ممكن يكون سحور، ربنا يكرمو تهامي هو ألي فكرني.

الهدف : لا يوجد هدف أكثر من التعارف العام ومناقشات التقنية المفتوحة وتبادل المنافع بإذن الله.
ملحوظة : أتذكر اني أستفدت كثيراً من مثل هذه المقابلات العامة، فلها فوائد تجارية وتقنية كثيرة.
المكان : لم يحدد بعد ، ولكنه سيكون بإذن الله في قهوة الشربيني بأخر عباس العقاد او في شركة صديقنا هاني جمال “رونتك”.
الموعد : اعتقد ان الخميس 4-10يكون مناسب لكل الأخوة بإذن الله، وأعتقد الساعة 11 مساء يكون مناسب حيث ان يكون التحرك للسحور على حوالي الساعة 2 مساء بإذن الله.
السحور : على أقرب عربية فول بإذن الله والحساب انجليزي :S .

بإذن الله تكون بداية لسلسلة مقابلات من نفس النوعية لتبادل المعرفة وزيادة التواصل بإذن الله.

ملحوظة ! إن كان المكان القهوة فـسنكون في الحديقة المقابلة لها وليس بداخلها حتى نبتغي الخير من الله بإذن الله.

الموعد : يوم الخميس الموافق 4-10 الساعة 11 مساءً

المكان : قهوة المشربية خريطة