أولا: ليه عاملين لغة انجليزية .. المفروض بقي انهم يقسموا الانجليزي للغة امريكية و لغة بريطانية و متكونش لهجات ….

ثانيا: المصرية و اللبنانية و الخليجية و المغاربية هي كلها لهجات للغة واحدة هي اللغة العربية لأن رغم اختلاف مصطلحاتها الا أنها كلها من أصل واحد في للفظ العربي الموجود في اللغة العربية الفصيحة .. و ليست كاللاتينية التي تفرقت للغات مختلفة انجليزية و المانية و فرنسية و .. و لأنكل لو قارنت بين اللغات دي مش هتقدر تفهمها بالمقارنة انما انا لو سمعت كلام لبناني او خليجي او حتي مغاربي و اللي معروف انه لهجة صعبة لاختلاطها باللغة الفرنسية هنقدر نفهم الكلام و نترجمه باللهجة المصرية..

ثالثا : واضح عندهم فكرة التقسيم في اللغة العربية لأنهم ناويين يعملوا كمان ويكيبيديا “باللغات” اللبنانية و السودانية و الخليجية و المغاربية لأ و قال ايه .. اللغة الصعيدية .. شر البلية ما يضحك..

رابعا: واضح ان الفكرة انهم يحولوا اللهجات العربية للغات و بالتالي مايكونش في حد في العالم يتحدث العربية و انما كل شعب يتحدث بلغته و بالتالي تصبح العربية كاللاتينية لغة مندثرة و ميتة و يهمل تعلمها و دراستها في المدراس و بدل ما ندرس في مدارسنا لغة عربية ندرس لغة “مصرية” و كذلك في كل البلدان العربية .. بعد كده تصوروا لو ان في كتاب مكتوب باللغة دي يعني لو في كتاب كبير مشهور و مكتوب باللغة اللاتينية مثلا هل العامة من الناس هيقدروا يقرأوه .. لأ طبعا و أكيد قراءة الكتاب ده هتكون مقتصرة علي طبقة قليلة جدا ممن تعلموا هذه اللغة ( أكيد فهمتوا قصدي)…
يعني بالمختصر المفيد القرآن هيكون غير قابل للتداول لجمهور و عامة المسلمين و عشان المسلمين يقرأوه و يتعبدوا بيه هنضطر نترجمه للغات أخري و تصبح اللغة العربية ليست اللغة الأساسية التي لا بد قراءة القرآن بها بحجة انها لغة ميتة و مندثرة ..و ايه بقي هنلاقي القران “مترجم” باللغة “المصرية” أو “للبنانية”أو .. أو .. أو و كأنه مترجم للانجليزية او الفرنسية و تصور بقي انك بتقرأ الفاتحة في الصلاة بلهجة مصرية ..

و فوق كل ده ان القرآن كمعجزة الاسلام و اللي مجالها هو البلاغة الكلامية لما تدرسه بغير لغته مش هتقدر تكتشف فيه كل أسراره و اعجازاته البلاغية .. يعني مثلا لما نقرأ النسخ المترجمة للقرآن بالغة الانجليزية صحيح اننا هنلاقي صفات وأسرار الاعجاز البلاغي موجودة في نصوص الترجمة للآيات الكريمةو لكن أكيد هناك كم كبير من مواطن الجمال و البلاغة لن تظهر إلا في النص الأصلي باللغة الأصلية و السبب هو اختلاف كل لغة في عدد مصطلحاتها و المعني و الدلالة للمصطلحات المتناظرة .. يعني في العربية هناك كلمتان (نور – ضوء) و هناك اختلاف بسيك في معني كل منهما و رغم ذلك كلاهما يترجمان بالانجليزية الي كلمة واحدة (light)

ملحوظة : انا كتبت الكلام بأسلوب يخلط ما بين اللغة العربية الفصحي و العربية بالهجة العامية المصرية .. و السبب هو اني أردت أن أقدم دليلا عمليا يثبت خطأ فكرة اعتبار اللهجة المصرية لغة مستقلان لأنه علي حد علمي لا يمكن أن أجمع بين لغتين في كلام واحد و يكونان مفهومان معا في نفس الإطار

وبالتالي تصبح العربية كاللاتينية القديمة

.. ده غباء .. زي اللغة الأمريكية !!

مينفعش الموسوعة تكون كده أبدا

“المسلمين بيقلعو جزمهم قبل ما يدخلو الجامع يصلّو, و سواء صلّو فى البيت أو فى الجامع, لازم يتوضّو, عشان يأدّو الصلاه.”

شيء يكسف بجد !!