أعفااااااااء أخيراً
طول عمري عارف أني أكيد هاخد أعفاء نهائي من الجيش !! أه ماليش أخوات ولاد وكمان والدي الله يرحمه توفي منعام 2000.
لكني من كثرة الأجراءات التي بدأتها في يوم 22 مايو 2008 إلى أن أستلمت الأعفاء أنهاردة كدت أن أتمنى دخول الجيش وخلاص أحسن من أن أذهب في يوم واحد من الأميرية للعباسية للقلعة للدقي وأرجع بدون أي ناتج واحد :S
المهم وانا بستلم أنهاردة الأعفاء من منطقة تجنيد القاهرة ألي على طريق مصر أسماعيلية الصحراوي لقيت مكتوب فيها "تأجيل مؤقت لمدة 5 سنوات حسب القانون رقم مش عارف كام لسنة مش عارف أيه المادة مش عارف أيه ولا يجوز السفر دون تصريح سفر" :S
ولكن الحمد لله لقيت العسكري -ألي أداني الشهادة دي وخد بطاقتي وأعد يقرا أسمي ويطابقه على الشهاد مش أقل من 30 ثانية- بياخدها ويديني واحدة تانية مكتوب عليها "أعفاء المذكور نهائياً من الخدمة العسكرية والوطنية كونه الأبن الوحيد لأبيه المتوفي "
بإذن الله نبدأ بأه في أجراءات التأمينات ثم تغير البطاقة عشان أكتب الوظيفة والحالة الأجتماعية والعنوان ثم البسبور وربنا يدينا ويديكو البركة في العمر.
ألف مبروك يا حازم .. خبر أسعدني جداً>>(مع أني مقابلتكش شخصياً ولا فيه معرفه بينا) ولكن من الظاهر ومما سمعته عنك من أصدقائي أنك شحص محترم و ذو خلق طيب و تستحق كل خير
الف الف مبرووو على الاعفاء الى كان جاي جاي ده
انا كمان وحيد
فربنا يستر عاليوم الي اكيد هروح فيه (من الأميرية للعباسية للقلعة للدقي ) 
مبروك يا حازم اخيرآ بعد لف والدوران حول القاهره الكبرى مبروك على الاعفاء النهائى واعبلنا نطلع منها على خير
Eng/ Ahmed
شاكر لزوقك ولمجاملتك
هاوي
أنا لفيت اللفات دي كلها عشان كانو عيزين رقم قومي لوالدي أل هو أصلاً متوفى من عام 2000 :S، فبإذن الله متلفهاش.
Ahmed Tawfik
ربنا يوفقك