مطلوب مصممة مواقع للزواج … الأولوية للخبرة
غريبة …. ولكن هذا ما يطلبه مني أحد زملاء العمل منذ فترة !!!
فهو قرر الزواج ويبحث عن عروسة … ولكن يشترط أن تكون مصممة مواقع أو حتى 3D على حد قوله.
المهم أخونا أيه بقاله على الحالة دي كتيييير وشكله تعب … فبدأ يشوف واحدة معاه في المواصلات وأعجب بيها ولكن فضل فترة طويلة مشكلته الوحيدة أنها شكلها مش مصممة مواقع 
!!!!
المهم أخونا بدأ زي ما تقولو كده بيتلكك … لحد ما في يوم جه وفرحان جداً وقالي “وأحنا راكبين المواصلات جالها تليفون !! فأنا سمعتها بتقول أكتي الـUSERNAME و الـPASSWORD فيبأه أكيد شغلها على الكمبيوتر” <<< هههههههه
المهم انا كاتب الموضوع ده أصلاً للبحث عن عروسه ليه لأني بجد أتمناله كل خير
الي يعرف مصممه في نص العشرينات تقريباً أو أكتر شوية ومن القاهرة يبلغني
ويا بخت من وفق راسين في الحلال … وهنيالك يا فاعل الخير 
طيب يا شيخ حازم مينفعش مصممة ازياء ؟؟ D:
لو هوة عايز العروسة مصممة مواقع عشان تفهم شغلة وتقدر انة بينسى كتير يبقا عندة حق
انما لو عايزها عشان الزوق فكل واحدة بتخش المطبخ وبتعرف تطبخ عندها زوق
تحياتى
والله انا رأيي من رأيك تقريباً
أنا رأيي أن الزوجة من الشروط التي أختارها عليها هي الدين ثم الدين ثم الدين لأن ذات الدين ستحاول القيام بأي شئ في الكون تريده حتى تطيعك وهذا ما أمرها الله به, بالأضافة أن الأختلاف بينكم سيديره الدين فكفي كلمة “أتقي الله” من أحدكم !!!
وكما قال رسول الله صلى الله عليه وسلم “تنكح المرأة لثلاث :لمالها وجمالها وحسبها فأظفر بذات الدين تربت يداك”
السلام عليكم
ازيك استاذى حزوووم بيه.. اخبارك ايه؟ واحشنى جدا والله وعايز ابقى اشوفك ولذيذ الموقع بتاعك ده.. موقع لاسع
وبتهايئلى كده صاحبك الى بيدور على عروسه ده يبقى ديفيلوبر وعايز العروسه ديزينر علشان تكملة شغله اكيد
ودى ميزه انا شخصيا بدور عليها من زمان..بس عايزها شغاله دوت نت
^_^
وكل سنه وانت طيب
Happy 7′roof
سلام ياباشا
انا اتفق معكم فى انة لازم الواحد يختار على الاسس الى قالها الرسول الكريم صلى الله علية وسلم
لاكن اذا الاخ الكريم مصرانها تكون مصممة يبقى مفيش مانع بس ميكنش عايزها للشغل لانة لو كان اساس الارتباط علشان الشغل فانا بقولة ان ده شىء غير مقبول بالمرة
ومن ناحية انها تفهمة فممكن يلاقى بنات كتير تفهمة ومش شرط انها تكون مصممة
ونصيحة الى كل اخوانى ممن يبحثون عن عروس ان يتوجهو الى الله بخالص الدعاء ان يوفقهم و ان يكون الهدف الاول والاخير من الزواج هو طاعة لله وانجاب اولاد ينفعون الاسلام والمسلمين
يعنى باختصار هناك اسس لا يجب ان نتخلى عنها خصوصا فى موضوع الزواج
وفقكم الله الى ما يحبة ويرضاة
اخوكم / مصعب
أرجح رأيك يا مصعب
وللعلم هو يرى أن من الأفضل أن تكون زوجتك واعية بطبيعة عملك حتى يكون التفاهم أكبر
وحتى يكون الدخل متوافق
وحتى يكون هناك مساعدة بينهم !!
رأيه ؟؟
ولكن من رأيي هل سيكون هناك مساعدة من قبلك إن كان شغل البيت كثير لهذا اليوم ؟
أو سيكون الأمر طبيعي إن كانت قدراتها عملياً أعلى منك ؟
أو إن كنت معها في عمل واحد وظر لها زميل أو أطال معها في الكلام ؟ أكيد ستقوم بإعطائه وجبة من الضرب الممتع ثم يقوم صاحب العمل بطردكم جميعاً … إذاً من اين ستأكل في اليوم التالي
والله أنا مقتنع بأن زوجتي من الأفضل ان يكون عندها دراية بعملي … وليس أكثر من هذا
والله ما اظنش ان الموضوع هيكون فيه ضرر لو ان زوجتي تكون بتشتغل في نفس مجالي بس من البيت
انما غير كده ممكن يحصل موقف زي اللي قاله حازم
وعامة ربنا يسهل العمليه مش بتتقاس كده ممكن تلاقي اللي انت عايزها كمصممه بس ما تكونش مناسبه ليك اجتماعيا ونفسيا وقبل ده كله دينيا
الله المستعان
السلام عليكم ورحمه الله وبركاته
الف الف الف مبروك ياأستاذ حازم علي الجواز السعيد وربنا يجعل كل ايامك افراح وعقبال المولود ان شاء الله نفرح بيه
وبالمناسبه بالنسبه للعروسه لمصمم الجرافيك فهيا عندي ومصممه جرافيك كمان ويب
الطلب ده طلبه منى واحد صاحبى برده من يومين كدا ياريت لو لقيت تقولى علشان كدا فى تغير فى الاوردر شكلهم عليهم طلب كبير الايام دى مش عارف ليه بس خير ربنا يرزقهم بالزوجه الصالحة
السلام عليكم ورحمة الله وبركاته
انا مصممة مواقع و طبعا متزوجة و قبل الزواج لم اكن مصممة تزوجت ومعى الشهادة الثانوية
شجعنى زوجى و دخلت معهد واخذت دبلوم علوم حاسب و برمجة وتصميم فهذا مثال حى يمكنك ان تتزوج واحدة ليست مصممة و بعد ذلك تصبح احسن مصممة وعلى كيف كيفك
و اتمنى لك التوفيق