بعض تلاميذي الأذكياء (محدث فتح التعليقات تاني)
أكره المجاملة
من الطبيعي لما اكون تلميذ rusmes فمن المفترض ان أتعلم منه حب الأختراع، اما إن كنت تلميذ Bill Gates فاكيد بجانب هذا سأتعلم إدارة الأعمال.
لماذا لم يتعلم مني احد فريقي حب التطوير او حب قيادة الفرق او أي ميزة جيدة، فقط يتعلمون السئ ومنهم من حافظ عليه ودعمه وطوره وأصبح أكثر مني بمراحل في العادات السيئة.
قدر ما أفرح لمن كان تهامي سبب في تعليمة قدر ما أحزن كثيراً عندما اتذكر وقتها الوضع الحالي لتلاميذي، كذلك كثيراً أحرج من ان يقول احدهم اني كنت سبب تعليمه لأني ببساطة احرج في الزم في كوده -دوناً عن مجاملتي له كصديق من الناحية الشخصية لمحاولة تحسين الأمر- ودائماً يكون الرد “يا رب يكونو أفضل ناس، أنا يهمني العمل”.
لا أعمم ولا أتكلم عن من أخذو الدورات، اتكلم عن التدريب أيام مكتب المحترفون العرب وما بعدها، فمتدربي الدورات أناس أفاضل أقدر لكثير منهم وضعهم الحالي لمن أعرفهم ومازلت اتواصل معهم.
بدات التدريب مع فردين في 11-2005 بمكتب المحترفون لقلة الموظفين وتقليل التكلفة، كان دوام كامل 8ساعات يومياً 5 أيام أسبوعياً، كانت بدون خطة أو منهج واضح، ولكن حصلت الفائدة وبدأ الأنتاج بالظهور خلال شهرين، خلال شهرين أخرجو انتاج يعتمد على OOP ونظام قوالب بمساعدتي، وبعد شهر أخر اختفت مساعدتي بشكل شبه معدوم أصبح المشروع يعتمد عليهم بشكل كامل.
بعدها بدأت مع مجموعة جديدة، ثم أخرى وكان مهدي -أحد متدربي المجموعة الثانية- هو من يدربهم، وتلتها أعداد غير قليلة، وبعد اغلاق مكتب المحترفون في 7-2006 نقلت بعض الأجهزة لمنزل العائلة واكملت تدريب بعض الأشخاص الذين كانو أفضل نسبياً عن من سبقهم.
ما ألاحظه عليهم الأن هو قلة في العلم المكتسب، أرى كود عام 2005 الذي دربتهم عليه هو هو دون تطوير يذكر، أرى عقلية 2005 التي تعلمت HTML ومبادئ تطوير الويب ثم PHP وطريقة عمل لم تتغير إلى الأن، فمعظمهم لا يعلم شئ عن MVC، عن برامج مفتوحة المصدر، لا يتواصل مع أي مجتمعات تقنية، لا يتابع مواقع تقنية، لا يعرف جافا سكريبت اكثر من ملف ajax.js الذي اعطيته لهم في 2005 وكود اخفاء وأظهار div.
منهم من نجح تجارياً بإيجاد وظيفة والبقاء بها منذ 2007 تقريباً وراتبه تعدى رقم جيد، ومنهم من عمل بأكثر من مكان وراتبه تعدى اعلى راتب حصلت عليه في مصر
وللأسف منهم من صرحلي انه ليس له عميل واحد يعود له من حين لأخر رغم سنوات خبرته التي تعدت الثلاث سنوات والنصف، أخر منهم زهلت عندما أرسلته لعمل في 2007 وزهلت انه وافق على راتب بـ800 جنية شهرياً وهو يعلم ان كل زملائه يعملون يأكثر من 1200 جنية شهرياً.
أفرح لمن كان تهامي سبب في تدريبهم لأني أسعد أن يجزيه الله عنهم (بإذن الله)، واحزن لأني أتمنى مثل هذا الجزاء، اتمنى لهم النجاح لكي أجزى مثله، تهامي يعلم اني ركزت معهم أكثر وأصبح لدي منهج قبل أن يعتمد هو المنهج (لأنشغاله الأساسي بالدراسة من قبل) ولكن أكيد إنه رزق الله يقدره كما يشاء.
أكيد إن الأسباب هي من تجلب الرزق، اكيد اني أخطات التدريب، أخطأت التخطيت، او لعلي أخطات الاختيار !! هل كان من المفترض أختار أشخاص أصلاً في المجال او هم يحبوه لكي أتأكد انهم لا يتعلمو من أجل مبلغ ثابت شهرياً إذا وصل له لن يفكر في تعلم حرف جديد ؟
نعم هذا هو، تهامي يختار دائماً من المدرسة او من الانترنت او ….. صح هذا هو الخطأ.
يارب وفق تلاميذي القدامي واجعلني سبب رزق لنا جدد، وتحياتي فعلاً لتهامي.
اتمنى ان لا يغضب مني احدهم، لعل هذه الكلمات تهز أحدهم، او انها تخرج ما بداخلي تجاههم، او أعطي لنفسي مزيد من الثقة التي تقل من تجاه مشروع التدريب بسبب بعضهم.
راجع المسؤلية ام الحب ؟
تحديث : تم اغلاق التعليقات لأن لا داع لها.
السلام عليكم ورحمة الله وبركاته
كيف حالك يا حاج حازم؟؟…واحشني جدا والله
الصراحة انا مش متفق معاك في اللي كتبته
انت مش مشكلتك ان اللي درستلهم طلعوا فشنك
المشكلة فيهم وللأسف ده أغلب اللي تشوفه من اللي شغالين PHP بس(بس تعود إلى اللغة)
يمكن عشان هي سهلة وكده فا بيكسلوا…
انا شفت كود بي اتش بي مكتوب بصوابع رجلين..مش دماغ مبرمج
للأسف سهولة البي اتش بي خلت اللي ملهومش فيها يشجعوا مصر..قصدي يبرمجوا
انت كان المفروض تنمي عندهم انهم يتعلموا اكتر من لغة أو يقروا حاجات جديدة
كون ان انت اديتلهم حاجات جاهزة يشتغلوا بيها..ده صحى جين الكسل المصري الشهير
ومش عايزك تزعل.انا بعتبر نفسي اتعلمت منك كتير ومش شغل بس
انا الحمد لله شغال بي اتش بي5 وجنبها جافا SCJP وكمان معايا 3 شهادات من IBM وماشيين في الرابعة
مشرفينك يابو جنة (بفتح الجيم وتشديد النون).
ملحوظة : العنوان كده في غيبة وسب أتمنى ان تحذفه
اولاً يا محمد انا غيرت العنوان وشاكر لردك، ولكن كنت منفعل وقتها ومعنديش غير البلوج ده أفضفض معاه
هو بردو نفس الي تهامي قالهولي اني معلمتش ازاي تبحث وتجيب، رغم اني عاشق البحث وكنت بنصح بكده وكمان هما لما كانو معايا كان من المفترض يحصلو على طرق البحث.
حتى انك تفتكر الفترة الصغيرة الي أشتغلنا فيها سوا كان الاتجاه الاول هو البحث عشان نرسم خطط العمل، ولكن أكيد هو ده السبب اني عندي قصور في تسليم هذه النقطة.
على انت من يوم ما كنا سوا وانت سابقني، سيبك من أن ربك ييسر لكل واحد منا مكان وقتها، لكن علمياً انا اعجبت بيك جداً وبقدرتك على البحث وتقاريرك عن البحث (رغم ان وقتها كانت شفهية وموصلناش للمرحلة ألي بعدها).
ربنا يوفقك يا رب وشاكر لتعليقك
حقيقة العيب او القصور ليس بحازم خالد لكن القصور يرجع الى الشخص نفسه ايا كان
فى بداية تعلمى لغة php قال لى احدهم انا مش هعلمك ازاى تبرمج
تقريبا نفس الكلام ممكن يتقال لهم
حضرتك استاذ حازم مش هتعلمهم ازاى يرتقوا بنفسهم وبالتالى تحسن مستواهم مما سيعود عليهم بالنفع
حقيقة كم تمنيت ان اكون تلميذا بمدرسة حازم خالد مكنتش هضيع اى كلمة تتقال برة سواء فى مجال php او غيرها
لكن كان لنا العزاء بمدونتك هذه دائما ما اتابعها يوميا واتابع جديدها
استحلفك بالله ان لا تتاخر علينا بتدويناتك
وايضا بانتظار كتابك عن php الذى هو قيد الكتابة وكم اتمنى ان ينتهى قريبا
السلام عليكم
حازم باشا
انا معاك فى الى انت قولته ومعلش برده انت مفيش احتكاك بالناس الى دربتهم علشان تعرف ظروف كل واحد ايه وايه الى خلى الى بيقبض 800 وكل الناس بتقبض 1200 اكيد لانه كان حاسس ان مستواة لسه موصلش والشغل عمرة مكان مرتب اد ملازم يباى فى احتكاك بعملاء وشغل
وانا معاك اانا بجد ان فى تقصير بس فى تطوير اه فى تطوير هوة اينعم طفيف
بس فى بس انت متعرفش ان فى تطوير لانك محتكتش بحد فينا من بعد المحترفون العرب
وعلى فكرة كلامك ميضيق بالعكس ده يحمس الواحد انه يعل اكتر
وشكرا يا ريس وربنا يكرم الجميع
ربنا يكرمك يا مهدي انك مشتمتش زي ألي مقالش أسمو تحت ده
انا معاك ان الراتب مش المقياس للتطوير ولكن الفارق المبير ساعتها زهلني وفاجاني بمستواه ألي هو موضوع التدوينة دي مش الراتب.
مع احترامى الشديد لمحمد تامر
انت متعرفش حاجاة فمتحكمش على حد وانت معرفش اي الى بيحصل
واقولك على العموم الى ميعرفش يقول عدس وشكلك مقضيها صباح المجملات
انت احتكيت بحد من الى حازم بيتكلم عنهم علشان تدخل تكتب ردك الظريف ده
للاسف لا
بتتكلم على اساس ايه على اساس عدم فهم او سورى جهل فوصلت لدرجة المجاملة على حساب ناس انت تعرفهمش
معليش يا مهدي هو ممكن يكون جامل ماشي لكن هو فعلاً متكلمش على حد، هو واضح أنه كان بيعدل في كود حد قريب وكان كوز منيل وطلع عصبيته هنا، هو قال “انا شفت كود بي اتش بي مكتوب بصوابع رجلين..مش دماغ مبرمج” لانه لا يعرفك ولا تعرفه عشان يقول عليك كده.
السلامة عليكم
انا تقريبا اول مره اخش المدونة يا حازم او دخلت قبل كده بس مكتبتش تعليق على اى موضوع .
اولا انت عامل ايه يارب تكون بخير
ثانيا : انا عجبنى الموضوع الى انت بتكلم فيه اوى عشان الناس الى انت بتتكلم عنها انا اعرفهم كلهم ومش هبالغ لو قلت انى بشوف بعضهم يوميا والباقى منهم بشوفه او بعرف اخباره.
انا واخد بس على اللكلام الى انت كتبته انك شايف انى الناس ديه الى وصلت ليه قليل مع انك لو كنت عملت مقارنة بين التلات مجموعات الى كانوا فى الفتره بتاعت ( ارب اى بى ) انا متاكد انك عارف انى الناس ديه هما الاقوى فى كتابة الكود و البرمجة مع كل الاحترام للناس الى اتخرجت معاهم او بعديهم او حتى الناس الى ( اتخرجت من الدورات لاسباب انت عرفه ) و الدليل على كلامى انك اول ناس بتفكر فيهم لو معاك شغل خاص او شغل فى شركة او عاوز تعرف حد حاجه جديده بتكلمهم اول ناس .
انت بعيد عن الناس ديه من فتره وانا قصدى الشغل اكتر وكنت لازم تعرف الاسباب و الظروف عشان وتسمع قبل متحكم لاى متاكد انك هتغير رايك عشان لما تتقرر انى تطور نفسك و بالخصوص فى المجال بتعنا او بالاخص فى مجال البرمجة لازم تكون صافى الذهن او مفيش مشاكل تخليك تشتت تفكيرك فى اكتر من اتجاه ومع ذلك انا مش هحط على الظروف كل الاسباب ولكنها من الاسباب الى ممكن اقولها وفى اسباب تانى لازم تتناقش فى الحجر المغلقة .
انا عارف انى الحياه مع الاشخاص ديه مكنتش شغل بس كانت شغل وصداقه وانت عارف اكتر منى انى الناس ديه مش بتشتغل عشان الفلوس ممكن تكون الفتره الاخيره حصل شويه تغير فى التفكير بس ده كله عشان متطلبات الحياه .
و بنسبة للاخ محمد تامر انا مختلف معاه فى الكلام الى هوه قاله ( انت مش مشكلتك ان اللي درستلهم طلعوا فشنك ) عشان هوه ميعرفش حد من الناس ديه انا باكد ليه انهم مش فشنك وانهم احسن من ناس كتير بتقول قاله الله وقاله الرسول ومش بيحسبه نفسهم او ياريت يحاسب نفسة الاول ويشوف الكلام الى بيكتبه عشان اكيد ربنا هيحسبه على كل حاجة بيقولها او بيكتبها
واخيرا انا بشكرك يا حازم على الموضوع ده لانه موضوع مهم وانا متوقعش انه ممكن يخلص النقاش فيه مع شويه تعليقات (( والسلامة عليكم ))
منور البلوج والله يا رجب، وانا فتحت التعليقات اما لقيت تعليقك انت والله
انا مبتكلمش هنا على مجموعة عن مجموعة، انا بتكلم على كلو فعلاً مش مجموعة بعينها.
أقولك على حاجة يا رجب، انت مصمم وبتطور نفسك وكل ما أقابل حد من المجموعة يتكلم على أنك بقيت كويس في كذا وكذا، هذ ده معناه انك قاعد فاضي وموركش حاجة ؟ معندكش مشاكل ؟ لو التطوير هو رقم 2 بعد المشاكل وبعد الفلوس وبعد …… يباه مش هيجي، انا كمان بقول حجات كثير ومبعملهاش ومتاخر في تطوير نفسي بس انا كتبت لاني شوفتهم ثابتين مش بطئ وده اكيد يزعلني.
بالنسبة لتامر فمعاك حق ، انا مش بدافع عنه ولكن هو اكيد مكانش يقصد يزعل حد بكلمة “فشنق”
يا رجب اتمنى أيدك معايا ولو شايف حلول ساعدني بيها، ولكن المشكلة هتعرفها من تعليق الباشا الي تحت ده
لا يا راجل كتر خيرك والله انك قفلت التعليقات بعد ما خليت الي يسوي و الي ميسواش يعلق ويتكلم وبعدين انت بتقارن نفسك بrusmes وbill ليه خير انشاء الله هو انت عملت ايه من الي عملوه وبعدين يعم الشيخ الي بيتكلم علي التطوير ميحجمش الناس بكلاس mysql ويقول انها بتنجز في الوقت ياما تعلم الناس صح يا متعلمش وبعدين انت بتقول تلاميذك يا عم الريس لولا المصلحه والشغل انت عمرك ما كنت علمت حد حاجه هوه انا مش عارفك ولا ايه وبعدين الارطاس الي داخل يعلق واخد 3 شهادات من ibm لا والله تعب ربنا يعينه واحد حيوان زي ده يعلق علي الموضوع وبعدين يعم انت مشيل الناس الليله لوحدهم ليه وجناب سيادتك فين وبعدين همه اتعلمو منك موضوع عدم الانتظام انت اكتر مكان قعدت فيه هوه 4:6 شهور يعني زيهم برضه وبعدين قصه عدم احترام العميل شوف انت بقي انا مش هتكلم وبعدين انت شرحت وجهة نظرك مش المفروض تسيب الناس ترد عليك لاكن انت شوفت الرد الموافق ليك وظهرته وقفلت الردود ودي برضه انا سيبهولك مش هتكلم عليه
منوووووووووور، والله انا بقيت سعيد وانا بتكلم مع الناس المجهولة الي بترد بشخصيات وهمية على تدويناتي، ولا كان تدويناتي بيراجعها امن الدولة !!
انا أكيد بحب اتواضع واحط نفسي مع عم bill والتاني رسمس ده، بس ده مش معناه اني بعديهم في المرتبة طبعاً < <<< هو ده ألي همك في الموضوع !!
مبدأياً انا بأكدلك اني اتمنى انك تكمل مناقشة بدون متذكر انت مين، لانك اكيد هتقول كلام صريح تاني، وده يهمني.
اني ادي لحد اداة يستخدمها فده مش غلط وإلا مكناش نستخدم FrameWork جاهز عشان نوفر وقت ومجهود، ولكن العيب في اني أستخدمها بدون معرف انا بستخدمها ليه واكيد العيب ده فيا انا (مع العلم اني لسه بستخدمها)
أكيد احنا كنا محتاجين لموظفين يومها وعشان كده طلبنا ناس تدرب، لكن تفتكر لما قفلنا الشركة وخليت الناس تدرب في بيتي كان بردو عشان مصلحة ؟ طيب وصلك ميل من أسبوع تقريباً بقولك نحدد ميعاد أشرحلكو حجات على يومين كاملين كان بردو عشان مصلحة !!
حقك عليا يا تامر عشان الشتايم دي، اتشمت كثير قبل كده انا في مدونتي
طبعاً أنت عارف اني عمري ما سيبت مكان عشان هو مش عايزني ولا انت تعرف حاجة تاني ؟ ممكن تسأل حسام وعادل ومنف وخالد الي كانو معايا في اخر شغل، وممكن تسأل هنداوي شركته عرضت عليا كام بس ممشيش، وممكن تسأل القطري عرض عليا كام بس ممشيش وممكن …. اكيد انت عارف بس دي فلتت منك.
انا عايز أقولك حاجتين واتمنى تكمل مناقشتك بعديهم، انا قفلت التعليقات لما لقيت مهدي زعل والي رد قبليه بيجامل هو كمان، قولت يبأه هيكون ان كل واحد هيدخل يجامل ويمشي، وفتحتها عشان لقيت تعليق رجب ألي راسلني على الميل في نفس الموضوع بردو.
الحاجة التانية. ممكن تسأل نفسك سؤالين، هو انا يهمني انك تكون أحسن ولا اوحش ؟ وهو انا كتبت الموضوع ده ليه ؟
السلام عليكم و رحمه الله و بركاته
اولا مع كامل احترامى و تقديرى لكل الناس اللى ردت على بتعليقات سخيفه او مش سخيفه و كل الناس اللى دخلت تجامل و الناس اللى دخلت تفضفض و تقول اللى عندها بصراحه … مش من حق حد انه يقيم حد فى مجال معين الا اذا كان فى مستواه او اعلى … لان الفرق بين اى حد مننا احنا اللى هما تلاميذ حازم خالد و بين استاذنا اللى هو حازم نفسه انه هو عارف هو مستواه ايه انما احنا لا … فمش احنا اللى هنقوله هو مستواه ايه و يتقارن بمين … و ثانيا ان كان هو علمنا علشان مصلحه فهو فعلا اخد مننا فلوس كتير اوى يا جماعه تمن الكورس اللى هو تقريبا كان 00 جنيه مصرى .. و ضيع مننا فرص عمل كتير كان طمعان فيها لنفسه
على فكره انا بقى مش بجامل حازم خالد علشان هو صاحبى .. لا .. انا بحاول اوفى حازم خالد حقه كأستاذى .. و رجاء قبل ما حد يقول عليا بجامل ( يذكر مع رايه انى بجامل اى موقف انا قولت فيه غير كده عن حازم سواء فى حضوره او غيابه )
الموضوع ابسط من كده يا جماعه .. و على فكره .. انا زى ما بفتخر انى اشتغلت مع حازم خالد .. انا برده بفتخر انى اشتغلت مع مبرمجين بجد زى عادل و فارس اللى طلعت معاهم اعلى انتاج فى حياتى و فخور انى لحد انهارده بتعامل فى معظم شغلى مع رجب اللى شغله فى الفتره الاخيره بالذات تطور كتيييييييييير و بقى بجد تحفه ( رغم انه لسه ليه عندى فلوس
) و مهدى اللى بجد شوفت منه اعلى قدره انتاجيه و بالمناسبه انا احب اعرفكو انى لسه بحلم بالمحترفون العرب للانترنت بنفس فريق العمل دا تانى و تحت ايد حازم خالد
و كفايه انى زى ما طلعت من تحت ايد حازم مبرمج مبتدئ (بالنسبه له ) لكن طلعت برده بصحاب مبرمجين و حلم انى فى يوم انجح و انا فى وسطهم
اسف انى طولت عليكو بس والله والله والله انى كل اللى قلته مافيهوش كلمه واحد مجامله
حازم ما تكلمنا شوية عن نفسك
ازاى ابتديت مع البى اتش بى من البداية خالص, اول تطبيق, اول وظيفة, العمل الحر فى عالمنا العربى , سوق البى اتش بى فى عالمنا العربى و المصرى كمبرمج حر و كوظيفة
السلام عليكم ورحمة الله وبركاته
انا هرد على التعليقات اللي ذكرت اسمي يا حازم بالترتيب والله المستعان
الأخ مهدي :
للأسف فهمت ردي بسوء ظن مبالغ فيه وكان الأولي تقديم حسن الظن بأخيك المسلم. المهم.
أولا انا مش بجامل حازم خالص,حازم حازم يستحق كلام أكتر من اللي قولته ده على أد الفترة اللي اشتغلنا فيها مع بعض (شهرين).انا اتكلمت عن حازم خالد في اجتماعات كتير مع أصحاب وزملاء عمل وأقارب كمان عشان انا شفت فيه حاجات جميلة كتير حبيت أقولها للمذكورين عشان يتعلموا منها(مش مجاملة اهه).
ثانيا انا آسف اني نسيت أكتب ان فشنك تعود على اللي ذكرهم حازم,أكيد يعني مش هقول على كلهم كده.
ثالثا معنى فشنك اللي اقصده إيه؟ في حالتنا هنا انه واحد كنت طلب ياخد كورس ولما حازم خلص لقاه مستفدش حاجة أو طلع تعبان ومتستغربش ده حال ناس كتير مش عارفه تحدد هدفها كويس.انا كورس تصميم المواقع اللي أخدته كنا 30 موحد طلع منهم اتنين مبرمجين والباقي …. قضى وقت ظريف.
ونبرة كلامي لحازم لا يخفى على أحد انها نبرة مواساة مش مجاملة وخلاص
أرجو ان وجهة نظري وصلت وآسف لو آذيت مشاعر حد ولو بالخطأ وابوس راسه كمان.
الرد الثاني: الأخ محمد رجب: السلام عليكم ورحمة الله وبركاته
طيب انت قلت اني معرفش حد فيهم..مين قالك؟
لأ أعرف بس مش كتير الصراحة وأظن ردي على تعليق الأخ مهدي ممكن يوضح شوية قصدي بفشنك اللي انا آسف عليها عشان اتفسرت غلط.
ثم ياأخي ايه قصدك بناس بتقول قال الله وقال الرسول مش عارف قصدك مين أو ايه دخلها هنا.
جزاك الله خيرا على النصيحة.
=================================================
المدعو ثالث لا يستحق الرد ولكن حسابنا عند القنطرة.شكله شايل منك أوي يا حازم
=================================================
أرجو ان ردي ميزعلش حد تاني انما انا حاولت أوضح تعليقي الاول لمن أخطأ تفسيره.
آآآآآآآآآآآآآآآآسف مرة تانية.
السلام عليكم ورحمة الله وبركاته
تحية طيبة لكل المتواجدين
انا احمد منف احد تلاميذ استاذ حازم خالد
بصراحة المناقشة في هذا الموضوع شيقة للغاية
فأنا اختلف مع معلمي في بعض الأشياء واوافقه في بعض الأشياء
1- ليس لدي تلاميذه عميل واحد ثابت يتردد عليهم
انا ساتحدث عن محمود كمال ( ربنا يكون في عونه في غربته ) وعن نفسي ( ربنا يكون في عوني في الجيش في الاقصر ) لانني اتابع محمود كمال عن قرب وكمان اعرف شغلي جيدا
فنحن لنا عملائنا الخاصين بنا وانا اذكر عميل انتظرني 8 اشهر حتي انهيت له عمله وهذا حقيقة ( وإسألوا ابو حمد السعودية )وايضا والله عميل حضر من بلد عربية خليجية الي الاقصر وذهب وقاعد في فندق ايزيس وكنت بخرجله يوميا من علي السور ليلا اعمل معه للصباح حتي انجزت له العمل وكنت سعيد جدا لهذا الانجاز وهو كان في اشد السعادة بالعمل وكمان والحمد لله وانا في الجيش قدرت اجهز شقتي يعني انا عدي عليا الان من ساعة ما اخذت الشقة سنة والحمد لله انتهيت من النقاشة حتي الان وبفضل الله كل هذا من عملي الخاص وعملي بمجموعة هنداوي خلال عام واعتذر لخالد المصري ومحمد شعبان ( حيث انه حدث بيننا سوء تفاهم ولكن انا واثق انهم سيقدروا ظروفي ويسامحوني واعدهم ان ارد لهم الفلوس اللي ليهم عندي
اما محمود فهو اهتم كثيرا بتطوير نفسة في بعض الجزئيات اي نعم هو لم يصل للمستوي الذي يطلبه حازم خالد لكن هو بالفعل يتطور
اما عن نفسي فانا حزين من نفسي جدااااااااااا لعدم التركيز في تطوير نفسي لكن لعل الظروف الشخصية التي امر به تكون سببا ولكن الكسل كان له النصيب الاكبر نعم انتاجي قليل وفي السابق كفاءته سيئة لكن الان الحمد لله الانتاج متوسط والكفاءة تنمو الي جيد وهذا في حد ذاته اعتبره تطوير
الي من يتحدث عن ان حازم فرض علينا اسلوب عمل والكلاس بتاع المي اس كيو ال انا في يوم من الايام فتح حازم خالد شغلي لاقي نص الشغل بالكلاس والنص التاني كود ماي اس كيو ال قالي ليه كده قولتله علشان محدش يقولي انك ما بتعرفشي تشتغل غير بالكلاس او بمعني اصح حافظ الكود مش فاهم
اقول في النهاية شكرا لك اخي وصاحبي ومعلمي حازم ولكن نحن لسنا سيئين
وانتظر منك ميعاد اليومين اللي كنت قولت عليهم ورديت عليك بس انته مارديت عليا
وفي النهاية اكون اسعد الناس بتشريفكم بحضور حفل زفافي في ال27 من الشهر القادم في قاعة جار القمر في مسطرد في الشارع الجديد بجانب مسجد ابوالهنا
معلشي كلامي ملخبط بس عاوز الحق ارجع الجيش قبل ما المقدم يصحي يلا سلام
أختصار للوقت علشان لو اتكلمت كتير حازم خالد اتعلمت منه كتير وربنا يباركلك ومحدش هياخد كرس مع حازم ولما يطلع يشتغل بره هيشوف الفرق وهو اتعلم ايه والاسلوب والطريقه الاتعلم بيها احسن وكل حاجه بالنسبه للسباكه والاكواد الواحد بيشوفها
وفعلآ هتشوف مهازل وانت بتشتغل بره وهتلاقى انك شغال بنظافه محترمه فى وترتيب فى الكود انا بشوف اكواد بجد بتخنق وانا بشتغل فيها هناك فرق شاسع
وفعلآ الواحد محتاج تطوير وتجديد علشان فيه حاجات من ساعات لما اتعلمت انا وبعض ناس اعرفها مطورناش فيها بس طبعآ لانك بتروح شغل تلاقى صاحب الشغل طالب شغل اوبن سورس بتلاقى نفسك سايب شغل الاسكربتات وبتعدل فى شغل ناس اكيد الواحد محتاج تطوير علطول وليك حق تزعل
وياريت نجدد موضوع الكرس الناس نامت ومحدش رد عليه ده
وربنا يباركلك
ونتكلم شويه عن Model-View-Controller انا لسه عايز ال OOP Advanced
وياريت لو هتبتدى فى كرس جديد تقلى علشان فيه ناس عايزه تاخد كرس اوك
انا كان نفسى اكتب اكتر من كدا بس بجد الوقت مبقاش فيه فركه خالص وخير الكلام ما قل ودل ربنا يباركلك تصبح على خير
نسيت اسلم ازيك يا محمد تامر ورجب ومهدى ليكم وحشه والله ياريت يا حازم نتجمع انشاء الله فى رمضان وناقش كله فيس تو فيس احسن النقاش جميل فعلآ
وانا نايم في الجيش كالعادة فكرت في الموضوع
قولت وبعدين ازاي يا استاذ حازم انته عاوز تساوي سرعة تطورنا بسرعة تطورك
مع ان كل الظروف متاحة لك للتطوير حيث انك لا ترتبط بأي ارتباط غير عملك و أيضا بارك الله لك ورزقك الزواج ورزقك دوافع عديدة للتطور و أيضا لا يوجد من يفرض اسلوب معيشة معين عليك
اما الباقي بص عليهم واحد واحد
1- عادل الكلية والانشغال بالزواج واخيه علي وكمان اسرته
2- فارس الكلية والانشغال بأمور خاصة معرفه لك وأيضا يعيش مع اسرته
3- خالد الكلية والاصحاب والتأليف حيث انه مؤلف رأئع وايضا الوالد الكريم وكمان لسه غير مستقر في حياته الشخصية
4- حسام القاضي معرفشي اذا كان من ضمن الناس اللي انته علمتهم ولا لأ
5- مهدي معرفشي ايه ظروفه
6- محمد اخو مهدي نفس الوضع معرفشي ايه ظروفه
7- بعد كده المجموعة اللي خدت الكورس اللي كان فيهم البطل
8- احمد توفيق معرفشي ايه ظروفه
9- هشام موسي معرفشي ايه ظروفه
10- بعد كده الثنائي ( احمد منف – محمود كمال ) مع ان احمد منف كان سابق محمود بشوية لكن تعالي شوف ( الكلية – الاسرة – السكن – مشاكل الزواج – الشيطان – والمصيبة الكبري الجيش – وكمان انته كان بيبقي معاك ناس جنبك) في اي حاجه كنت ممكن تلاقي اللي ممكن تفضفضله لكن في الجيش روح فضفض للظابط اللي عاوز ياخد 200 او 300 جنيه علشان ينزلك اجازة ولا روح للعسكري صاحبك اللي يبيعك علشان ينزل اجازة ولا روح لوسطة تلهف منك 3000 جنيه ومتعملشي حاجه ولا روح لصف ضابط يتشكل عليك ولا اقولك روح من الاقصر للقاهرة علشان تلاقي صحابك و لما تروح اللي تلاقيه راح تونس واللي تلاقيه راح الكويت واللي تلاقيه في المحلة و اللي تلاقيه في الفيوم ولا تلاقي اعز اصحاب الطفولة يتوفي كل ده ممكن يعطلك لكن انا شايف انه لأه
ممكن يقتلك
لكن الحمد لله ادينا عايشين
فاعتقد انه مش من حقك تلومهم لانك موفرتلهموشي الجو السليم للانتاج والتعليم وإٍسأل ولا ليه تسأل انته شوفت بنفسك عادل وفارس وبيبو لما وفرتلهم جو الشغل عملوا ايه
اتمني تفهم معني كلامي ومتفسرهوشي زي كل مرة قبل كده بأنه عدم مسئولية وعدم وعدم وعدم وعدم وعدم وعدم وعدم
وشكرا
مع وافر التحية استاذي الفاضل ( صاحبي حازم خالد ( ابو جنه ))
السلام عليكم
منف باشا ازيك اهلا بيك احمد توفيق وشكرا على كل الى ردو او الى دخلو وشافو الموضوع ومردوش بس علقو برسايل على الميل
منف باشا انت فى نقطة واحدة بس سيتها انى انا وفارس وعادل خريجين 2007
يعنى خلاص خلصنا تعليم
وكمان اهم نقطة قلها منف ان محدش عارف عن حد حاجة فمفيش حد فى ايدة انه يقيم حد غير لما يعرفة ولو بتكلم غلط قولولى
السلام عليكم
رمضان كريم ياشباب
المسئولية يتحملها حازم خالد وتلاميذة مش التلاميذ بس ولا حازم بس
حازم يتحميل مسئولية انة معرفش الناس ازاى ومنين يطوروا نفسهم (اكيد حد هيقولى وهو حازم مالة اللى عايز يتعلم بيتعلم ) .. لو كان دة رايك يبقى حازم مينفعش يقول الناس مطورتش نفسها لية ., حازم اكيد عارف ان معظم الناس اللى ادربت مستواها ومعلوماتها عن الويب مكانتش بالقدر الكافى ., فبالتالى لازم يديهم اول الطريق …ولازم يديهم المفاتيح
ممكن تكون دى غفلت عن حازم بس لازم نديلة العذر
حازم انت مسئول برضة انك مطورتش نفسك فى مجال التدريس
انا بقول الكللام دة بناء على سمعى لراى الناس مش منى انا انا الحمدلله اللى علمتهولى لحد دلوقت فدماغى
اى نعم انا مكملتش بس لانى مكنتش داخل مجال البرمجة كمهنة همتهنها فى المستقبل انا كنت داخلها كتطوير لنفسى والحمدلله مستوايا مش وحش بس ميتقلش عليا مبرمج
ولانى مقدرتش اعلم نفسى فى الاول خدت كورس عند حازم
بس انا لما فهمت اللغة عرفت ازاى ابحث عن اللى انا عايزة
المسئولية على التلاميذ : ان محدش فيهم عندة استعداد انة يطور نفسة لانة على الاقل مسألش ازاى اطور نفسى ازاى اعرف اخر الجديد حتى بينة وبين نفسة لانة لو كان سال كان سال استاذة اللى علمة اللى هو حازم خالد … ومن ناحية تانية احنا برضة منعرفش ظروف كل واحد
فية ظروف بتخلى الشخص مقيد مفيش وقت ومفيش فرصة ومفيش نفس انة يتعلم حاجة جديدة
من ناحية تانية مينفعش تلوم نفسك ياحازم ان الناس مطورتش نفسها لان دة لية اكتر من سبب
اول حاجة اللى نفسة يطور ومش عارف ازاى … وانت المفروض ياحازم كنت تتابع حاجة زى كده لو فعلا همك ان الناس تتطور يمكن انت مخدش بالك من حاجة زى كده
او اللى نفسة يطور ومش لاقى وقت
او اللى نفسة يطور بس الناس اللى حوالية دماغهم دوت نت فمش عارف
او اللى مش فبالة انة يطور نفسة اصلا … ودة متحطوش فى بالك
حاجة تانية موضوع انك معرفتش تختار دى حاجة مينفعش نتكلم فيها اصلا لانك صعب تختار اللى هتعلمهم
لانك اولا بتعلم بمقابل مادى
يعنى الهدف مادى ومعنوى
ومينفعش حاجة فيهم تيجى على التانية
انت ممكن تختار مستوى البداية يعنى ميجيش واحد مش فاهم نت واخرة ماسنجر وياهو وييجى يتعلم برمجة دة طبعا مرفوض
لاكن متقدرش تختار الشخصية
شوف مثلا تهامى اعتقد علم ناس كتير جدا …. بس مين اللى مستمر .. بالمقارنة باللى علمهم …
خلى بالك تهامى كان تعليمة بغرض التعليم فقط بحكم الوقت والظروف وليس بهدف مادى
ودة خلاه يقدر يختار الناس اللى يعلمها
فية ناس مكملتش فى المجال اللى علمهم تهامى فية
وفية ناس وصلت وعدت تهامى ودة لية …
لان الناس دى عايزة تعمل حاجة + تهامى متابع الناس دى
فلازم تتابع الناس -انا عارف ان ولا تهامى ولا انت مجبر انك تعمل حاجة زى كده – بس لازم تعمل حاجة زى كده علشان تقدر تيجى فيوم تلوم تلميذ من تلاميذك
على فكرة انا بزعل جدا لما الاقى حد شغال بالكلاس بتاعك لحد دلوقت من تلاميذك
عارف لية ….
لانى بقول لية بعد كل السنين دى مفكرش انة يشتغل بكلاس بتاعتة هو لية لحد دلوقت مرتبط بكلاس ممكن تكون فى الوقت الحالى متلبيش كل متطلباطة بس هو خلاص اتبرمج على كده
وبفرح جد لما الاقى واحد من تلاميذك وصل لمستوى كويس جدا جدا وقدر يفهم ازاى يطور نفسة وبشوف كود ونظام جديد غير اللى متعود علية من تلاميذ حازم خالد
على فكرة ناس كتير جدا جدا جدا جدا جدا من تلاميذك اللى اعرفهم انا شخصيا طوروا نفسهم ووصلوا لمستوى كويس جدا وانا بنفسى شوفت ظروف خليتهم مش قادرين يطوروا نفسهم وقت من الاوقات واكيد لما الظروف دى تنتهى هيرجعوا زى ما كانوا
الكلام دة على اكثر من 80% من تلاميذك اللى انا اعرفهم
اخيرا وليس اخرا انت عارف انى بعزك ياحزوم وليك مكانة عندى كبيرة ربنا يعلمها والحمد لله بشهدلك بالكفأه والاحترام والخبرة فى اى مكان ييجى فية سيرتك .. دى مش مجاملة دى حاجة مقتنع بيها فعلا
ومتزعلش من اى كلام انا يمكن مش بعرف ابعبر اوى وبعدين انا صايم ومطبق
بس اى كلمة ممكن تتفهم غلط اعتقد انك عارفنى واكيد هتفهم قصدى
يا باشا ربنا يكرمك على ردك بصراحة … ده كفاية أنك تعبان وكتبت كل التعليق ده
فعلاً أنت معاك حق أني مطورتش المنهج من فترة طويلة وبالفعل بإذن أنا بجهز منهج جديد
كمان جزئية المتابعة بإذن الله أحاول أظبطها عشان أفيد بيها الناس أكثر … شكراً لردك ونصيحتك وجزاك الله خير
انا شفت منف بيقول المصيبه الكبرى الجيش فعلآ هى مصيبه ولكن ربنا يكرم الواحد ويقدر يطور نفسه انشاء الله على فكره انا داخل على جيش والله اعلم اذا كنت هلبس ودى بنسبه 99% او لا ودى بنسبه 1% وهو الشئ الوحيد الى انا شايف انه ممكن يقلل من مستوايه الوقت ولكن جارى التقدم والتطوير قبل الجيش وبعد 45 يوم انشاء الله ربنا يرزق الواحد بمكان كويس يجعله قادر على تكمله دراسته .
وفعلآ انا شايف انا الواحد لازم يكون فى تتطور مستمر رغم الظروق ولكن فى بعض الاوقات بتكون الظروف اقوى وربنا معاكم ومعانا
وبارك الله فيك يا حازم على مجهودك المبذول فى الكرسات وبعد الكرسات وانشاء الله جارى التطوير بس خلاص
بسم الله الرحمن الرحيم
انا سعيد جدا جدا لانى هعلق على كلامك بجد كان نفسى تكون المسافه بنا قريبا من اجل
ان اتدرب على يدك لكن اعمل ايه بس انا ساكن فى الاسماعيله
واحاول ان اجتهد من خلال النت لتعلم اشىء كثيره عن المنتديات والتصميم والبرمجه
وهذه هى الدنيا ان فيه ناس تجد شخص مثلك للتتعلم منه بكل سهول وناس
بتحاول من كل اتجاه
وشكر لك