عيد ميلاد جنة الأول
الحمد لله اليوم تمت جنة حازم خالد -بنتي- سنة في حضننا وأحتفلنا باليوم أمس، وحضر ناس كثير وبجد الواحد كان شاعر بالحب منهم وكان كلهم فرحانين بالأمورة ولله الحمد.
يذكر أنه تقدم أمس لخطبة جنة أطفال كثيرين ولكن أنا عامتاً لا أفضل الأرتباط مع طفل مش مبرمج !! كمان أنا همشي بنصيحة نصحهاني صديق بأني مجوزهاش قبل ما تتم 6 سنين -أصل الجواز بدري وحش- ولكن أنا قولت بردو الرأي في الأخر للبنية !! طبعاً … وبما أنها ليه مبتتكلمش حاجة مفهومة فمقالتش حاجة خالص 
من المهم أيضاً ان المعازيم كانو كلهم couples … طبعاً أنا متحرر جداً في الأمور دي وعشان كده معزمتش غير المتجوزين بي وكان في 2 بس هما ألي مخطوبين.
شرفني في العيد ميلاد من أصدقائي (بترتيب الحضور) مصطفى هنداوي و أسرته – محمد نبيل و أسرته – أحمد SQL و خطيبته – ضياء رزق و أسرته – محمد الجمال و أسرته.
يارب يباركلك فيها ويجعلها خير ليك ومنك وعليك
يااااااااااااااااااااااااه كان نفسى احضر والله امبارح يا حازم بس انا عارف شرطك كابلز
بس انا خطيبتى مشوار عليها ومكنش هينفع تاجى بس صدقنى فرحااااان اوى بجنة حبيبتى ربنا يكرمها يارب ويديها طولة العمر ويحقق ليها كل الى تمناه ويجوزها مبرمج قول امين
عقبال 100 سنه و ربا يحفظهالك و عقبال احمد فضل و حرمه
عقباااااااااااااال مليون الف سنة
وجنة بخير وسلامة وياكم يا حازم وان شاء الله تفرح وتجوزها بس كده انت خلاص قررت انها تتجوز مبرمج , خلاص يعنى مش حينفع مصمم ولا الديزاينر راحت عليهم
كل سنه وانتى طيبه يا جوجو واعبال يارب لما نشوفك عروسه و6 سنين ايه يا حازم انا شايف ان 5 حلو اوى وياريت تتأنى بقى وتسيب جنه تختار بلاش شغل الابهات بتاعت الايام دى ومبرمج دى قليله اوى اقل من team leader متأبلش ويكون عنده شركه فرع فى القريه الذكيه وفرع فى دبى وفرع فى امريكا دى اقل حاجه تليق بجنه هانم
واسف جدآ جدآ بحد انا زعلان انى محضرتش ولكن ظروف اقوى منى خلتنى معرفش اجى بس انشاء الله هاجى الفرح باذن الله
ايه ده يعنى كله كان couple طيب كويس بقى انى مجتش انا لسه cou مكملتش الكلمه انشاء الله اجى العيد الميلاد البعد البعد الجاى وانا مكملها
وكل سنه وانتى طيب يا جوجو
ربنا يباركلك فيها و يجعلها قره عينك و جلاء همك و حزنك
بسم الله ماشاء الله ربنا يخلهالك يا حازم
التعليق ده لجنه هانم لما تكبر تشوفه
جنه هانم عريسك عندى لما تكبرى وتشوفى التعليق ده قولى لبابا انا عايزه اروح لعمو احمد علشان اشوف عريسى يوسف ماشى
انا طالب ايدك اهو من بابا على النت علشان متقليش قول لبابا ماشى
كل سنة و جنة طيبة
وأنتم طيبين يا جماعة
ويارب قبال أبن أو بنت كل واحد فيكو (بما أنكو كلكو مخلفتوش)
كل سنة وانتي طيبة يا جنه بس ابوكي معزمنيش قليلوة عيب يابابا